bekasi jab kisi bazar mein aa jati hai

bekasī jab kisī bāzār meñ aa jaatī hai

ik havas jaise ḳharīdār meñ aa jaatī hai

rāt-bhar chīḳhtī phirtī hai ḳhabar bastī meñ

phir taḌaptī huī aḳhbār meñ aa jaatī hai

merā ham-sāya bhī rotā hai jo apne ghar meñ

ik namī sī mirī dīvār meñ aa jaatī hai

ham to sūkhe hue dariyā meñ bhī utre lekin

apnī kashtī hai ki mañjdhār meñ aa jaatī hai

dard to dil se zabāñ tak bhī nahīñ aa paayā

phir bhī talḳhī hai ki ash'ār meñ aa jaatī hai

jo mire dil pe guzartī hai tujhe kyā mā'lūm

jab razā bhī tire inkār meñ aa jaatī hai

māh-e-ramzān meñ ranjish bhī mohabbat ban kar

muskurātī huī iftār meñ aa jaatī hai

ye jo har baat pe tum aah sī bharte ho 'nafas'

ik 'alāmat hai jo bīmār meñ aa jaatī hai

bekasi jab kisi bazar mein aa jati hai

ek hawas jaise KHaridar mein aa jati hai

raat-bhar chiKHti phirti hai KHabar basti mein

phir taDapti hui aKHbar mein aa jati hai

mera ham-saya bhi rota hai jo apne ghar mein

ek nami si meri diwar mein aa jati hai

hum to sukhe hue dariya mein bhi utre lekin

apni kashti hai ki manjdhaar mein aa jati hai

dard to dil se zaban tak bhi nahin aa paya

phir bhi talKHi hai ki ash'ar mein aa jati hai

jo mere dil pe guzarti hai tujhe kya ma'lum

jab raza bhi tere inkar mein aa jati hai

mah-e-ramzan mein ranjish bhi mohabbat ban kar

muskuraati hui iftar mein aa jati hai

ye jo har baat pe tum aah si bharte ho 'nafas'

ek 'alamat hai jo bimar mein aa jati hai