بیکسی جب کسی بازار میں آ جاتی ہے
بیکسی جب کسی بازار میں آ جاتی ہے
اک ہوس جیسے خریدار میں آ جاتی ہے
رات بھر چیختی پھرتی ہے خبر بستی میں
پھر تڑپتی ہوئی اخبار میں آ جاتی ہے
میرا ہمسایہ بھی روتا ہے جو اپنے گھر میں
اک نمی سی مری دیوار میں آ جاتی ہے
ہم تو سوکھے ہوئے دریا میں بھی اترے لیکن
اپنی کشتی ہے کہ منجدھار میں آ جاتی ہے
درد تو دل سے زباں تک بھی نہیں آ پایا
پھر بھی تلخی ہے کہ اشعار میں آ جاتی ہے
جو مرے دل پہ گزرتی ہے تجھے کیا معلوم
جب رضا بھی ترے انکار میں آ جاتی ہے
ماہ رمضان میں رنجش بھی محبت بن کر
مسکراتی ہوئی افطار میں آ جاتی ہے
یہ جو ہر بات پہ تم آہ سی بھرتے ہو نفسؔ
اک علامت ہے جو بیمار میں آ جاتی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
