hawas-nasib nazar ko kahin qarar nahin

havas-nasīb nazar ko kahīñ qarār nahīñ

maiñ muntazir huuñ magar terā intizār nahīñ

hamīñ se rañg-e-gulistāñ hamīñ se rañg-e-bahār

hamīñ ko nazm-e-gulistāñ pe iḳhtiyār nahīñ

abhī na chheḌ mohabbat ke giit ai mutrib

abhī hayāt kā māhaul ḳhush-gavār nahīñ

tumhāre ahd-e-vafā ko maiñ ahd kyā samjhūñ

mujhe ḳhud apnī mohabbat pe e'tibār nahīñ

na jaane kitne gile is meñ muztarib haiñ nadīm

vo ek dil jo kisī kā gila-guzār nahīñ

gurez kā nahīñ qaa.il hayāt se lekin

jo sach kahūñ ki mujhe maut nāgavār nahīñ

ye kis maqām pe pahuñchā diyā zamāne ne

ki ab hayāt pe terā bhī iḳhtiyār nahīñ

hawas-nasib nazar ko kahin qarar nahin

main muntazir hun magar tera intizar nahin

hamin se rang-e-gulistan hamin se rang-e-bahaar

hamin ko nazm-e-gulistan pe iKHtiyar nahin

abhi na chheD mohabbat ke git ai mutrib

abhi hayat ka mahaul KHush-gawar nahin

tumhaare ahd-e-wafa ko main ahd kya samjhun

mujhe KHud apni mohabbat pe e'tibar nahin

na jaane kitne gile is mein muztarib hain nadim

wo ek dil jo kisi ka gila-guzar nahin

gurez ka nahin qail hayat se lekin

jo sach kahun ki mujhe maut nagawar nahin

ye kis maqam pe pahuncha diya zamane ne

ki ab hayat pe tera bhi iKHtiyar nahin