بیتابؔ ہمارا ذوق نظر گر ان کے مقابل آ جائے

بیتابؔ ہمارا ذوق نظر گر ان کے مقابل آ جائے

وہ پردہ نشیں ہوں محمل میں تو سامنے محمل آ جائے

میں راہ طلب میں سرگرداں اس آس پہ یاں تک پہنچا ہوں

اس گام پہ منزل آ جائے اس گام پہ منزل آ جائے

اے کاتب قسمت یہ تو بتا کیا یہ ہی ہے تقدیر مری

اک مشکل سے چھٹکارا ہو تو دوسری مشکل آ جائے

یوں پیار بھری نظروں سے مجھے دیکھو نہ خدارا باز آؤ

الزام نہ دینا پھر مجھ کو گر تم پہ مرا دل آ جائے

بیتابؔ یہ کوئی جینا ہے ہم جیسے غم کے ماروں کا

ہر لمحہ یہی اک خطرہ رہے کب جانے قاتل آ جائے