بے وفا با وفا نہیں ہوتا
بے وفا با وفا نہیں ہوتا
ورنہ دنیا میں کیا نہیں ہوتا
اب زمانے میں ایک بھی سجدہ
زیر خنجر ادا نہیں ہوتا
سنتے آئے ہیں سر ہتھیلی پر
رکھنے والا فنا نہیں ہوتا
چوک جاتے تھے بات ہے کل کی
اب نشانہ خطا نہیں ہوتا
جو برا سوچتے ہیں اوروں کا
ان کا اپنا بھلا نہیں ہوتا
بعد لٹنے کے یہ ہوا معلوم
راہزن رہ نما نہیں ہوتا
زندگی یوں گزارتا ہے وہ
کچھ بھی کہہ دو خفا نہیں ہوتا
زرد ہونے کے بعد اے اشرفؔ
کوئی پتا ہرا نہیں ہوتا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
