bewafa gar hai wo tajdid-e-wafa ho kaise

bevafā gar hai vo tajdīd-e-vafā ho kaise

dard hī dil kī davā ho to davā ho kaise

vo kabhī 'mīr' hai likhtā kabhī ḳhud ko 'ġhālib'

harf aa jā.egā tanqīd ravā ho kaise

jalva-gar har-sū farozāñ jo daraḳhshāñ mujh meñ

ho na gar duur nigāhoñ se ḳhudā ho kaise

ishq kab khel tamāsha hai ye koī dil kā

qarz hai sar pe mere koī adā ho kaise

maiñ ki ik banda-e-ḳhātī huuñ khaḌā huuñ dar par

lafz majbūr haiñ sab hamd-o-sanā ho kaise

maiñ huuñ yā tum hameñ jiinā hai kisī kī ḳhātir

ruuh kā jism se rishta hai judā ho kaise

ab to bas ye hai ki ho jaa.eñ fanā ham donoñ

kyā kareñ umr ye ab sarf-e-duā ho kaise

sirf patthar hī nahīñ ho bhī lahū kuchh dil meñ

sar paTakne se koī rang-e-hinā ho kaise

bewafa gar hai wo tajdid-e-wafa ho kaise

dard hi dil ki dawa ho to dawa ho kaise

wo kabhi 'mir' hai likhta kabhi KHud ko 'ghaalib'

harf aa jaega tanqid rawa ho kaise

jalwa-gar har-su farozan jo daraKHshan mujh mein

ho na gar dur nigahon se KHuda ho kaise

ishq kab khel tamasha hai ye koi dil ka

qarz hai sar pe mere koi ada ho kaise

main ki ek banda-e-KHati hun khaDa hun dar par

lafz majbur hain sab hamd-o-sana ho kaise

main hun ya tum hamein jina hai kisi ki KHatir

ruh ka jism se rishta hai juda ho kaise

ab to bas ye hai ki ho jaen fana hum donon

kya karen umr ye ab sarf-e-dua ho kaise

sirf patthar hi nahin ho bhi lahu kuchh dil mein

sar paTakne se koi rang-e-hina ho kaise