bhala ab aur kahan zindagi nazar aae

bhalā ab aur kahāñ zindagī nazar aa.e

tumhāre baa'd hameñ kyā koī nazar aa.e

talāsh jis kī hai bas vo nazar nahīñ aatā

ye aur baat nazar ko vahī nazar aa.e

ye hoshiyār tujhe hoshiyār samjheñge

inheñ kahāñ tirī dīvāngī nazar aa.e

guzar to aa.e haiñ terī galī se ham lekin

jahāñ bhī jaa.eñ tirī hī galī nazar aa.e

ye rah-guzar jo mire saath saath chaltī thī

tirī galī meñ Thahartī huī nazar aa.e

nazar ga.ī thī hamārī jab aa.ine kī taraf

use lagā ki hameñ bhī hamī nazar aa.e

vo to nahīñ thā to phir kaun saath thā mere

koī to hogā magar kab koī nazar aa.e

tujhe dikhā.ī nahīñ de rahī magar 'momin'

kalām kar ki tujhe ḳhāmushī nazar aa.e

bhala ab aur kahan zindagi nazar aae

tumhaare ba'd hamein kya koi nazar aae

talash jis ki hai bas wo nazar nahin aata

ye aur baat nazar ko wahi nazar aae

ye hoshiyar tujhe hoshiyar samjhenge

inhen kahan teri diwangi nazar aae

guzar to aae hain teri gali se hum lekin

jahan bhi jaen teri hi gali nazar aae

ye rah-guzar jo mere sath sath chalti thi

teri gali mein Thaharti hui nazar aae

nazar gai thi hamari jab aaine ki taraf

use laga ki hamein bhi hami nazar aae

wo to nahin tha to phir kaun sath tha mere

koi to hoga magar kab koi nazar aae

tujhe dikhai nahin de rahi magar 'momin'

kalam kar ki tujhe KHamushi nazar aae