bhala chahega koi kya kisi ka

bhalā chāhegā koī kyā kisī kā

ho dushman aadmī jab aadmī kā

jafā-kārī hai zinda aap hī se

jafā-kārī hai sheva aap hī kā

mirā sheva hai iḳhlās-o-mohabbat

burā chāhūñgā maiñ kyūñkar kisī kā

ḳhudā kā shukr hai us bevafā ne

sabab pūchhā hai merī ḳhāmushī kā

tire dil meñ bhī ho dard-e-mohabbat

tirā dil kaash ho jaa.e kisī kā

diloñ meñ hasrat-e-taḳhrīb pinhāñ

laboñ pe zikr sulh-o-āshtī kā

yahī me.arāj hai ḳhud āgahī kī

na toḌo dil zamāne meñ kisī kā

vahī dushman hue haiñ aaj 'āsī'

jo dam bharte the kal tak dostī kā

bhala chahega koi kya kisi ka

ho dushman aadmi jab aadmi ka

jafa-kari hai zinda aap hi se

jafa-kari hai shewa aap hi ka

mera shewa hai iKHlas-o-mohabbat

bura chahunga main kyunkar kisi ka

KHuda ka shukr hai us bewafa ne

sabab puchha hai meri KHamushi ka

tere dil mein bhi ho dard-e-mohabbat

tera dil kash ho jae kisi ka

dilon mein hasrat-e-taKHrib pinhan

labon pe zikr sulh-o-ashti ka

yahi mearaj hai KHud aagahi ki

na toDo dil zamane mein kisi ka

wahi dushman hue hain aaj 'asi'

jo dam bharte the kal tak dosti ka