bhala talash hai kaisi ki KHatm hoti nahin

bhalā talāsh hai kaisī ki ḳhatm hotī nahīñ

kahīñ to paañv Thaharte kahīñ qadam rukte

ḳhayāl aayā tirā aur maiñ ḳhud ko bhuul gayā

simaT ga.e haiñ isī dā.ere meñ sab nukte

ye be-hisī ki kisī tarah TūTtī hī nahīñ

vo phir se ḳhaar chubhotā ki zaḳhm-e-dil dukhte

havā se TūTte pattoñ kā rañj kis ko thā

na bār-e-gul hī thā jin pe tane vo kyā jhukte

me.aar ham ne anā kā sadā rakhā 'zebā'

rahī tamannā hī un ko ki ham kabhī jhukte

bhala talash hai kaisi ki KHatm hoti nahin

kahin to panw Thaharte kahin qadam rukte

KHayal aaya tera aur main KHud ko bhul gaya

simaT gae hain isi daere mein sab nukte

ye be-hisi ki kisi tarah TuTti hi nahin

wo phir se KHar chubhota ki zaKHm-e-dil dukhte

hawa se TuTte patton ka ranj kis ko tha

na bar-e-gul hi tha jin pe tane wo kya jhukte

mear hum ne ana ka sada rakha 'zeba'

rahi tamanna hi un ko ki hum kabhi jhukte