bhale logon mein hun to main bhali hun

bhale logoñ meñ huuñ to maiñ bhalī huuñ

agarche maiñ zarā sī sar-phirī huuñ

badan sandal sā hotā jā rahā hai

tirī ḳhushbū meñ jānāñ Dhal rahī huuñ

mohabbat ke samundar meñ utar kar

tirī ulfat ke gauhar chun chukī huuñ

mirī parvāz hai terī badaulat

maiñ chāhat ke ufuq par uḌ rahī huuñ

phisal saktī huuñ tere haath se maiñ

mujhe kas kar pakaḌnā jal-parī huuñ

vafāoñ ke shajar se TuuT kar maiñ

tire dāman meñ aa kar gir paḌī huuñ

gulāboñ ne mirī surḳhī churā lī

chaman meñ har taraf maiñ khil rahī huuñ

mirī ḳhushbū chamelī le uḌī hai

havā meñ itr ban kar ghūmtī huuñ

agarche narm-o-nāzuk huuñ maiñ 'ushba'

tabī.at kī zarā sī manchalī huuñ

bhale logon mein hun to main bhali hun

agarche main zara si sar-phiri hun

badan sandal sa hota ja raha hai

teri KHushbu mein jaanan Dhal rahi hun

mohabbat ke samundar mein utar kar

teri ulfat ke gauhar chun chuki hun

meri parwaz hai teri badaulat

main chahat ke ufuq par uD rahi hun

phisal sakti hun tere hath se main

mujhe kas kar pakaDna jal-pari hun

wafaon ke shajar se TuT kar main

tere daman mein aa kar gir paDi hun

gulabon ne meri surKHi chura li

chaman mein har taraf main khil rahi hun

meri KHushbu chameli le uDi hai

hawa mein itr ban kar ghumti hun

agarche narm-o-nazuk hun main 'ushba'

tabiat ki zara si manchali hun