بھنور بنتی ہوئی راتیں ہماری
بھنور بنتی ہوئی راتیں ہماری
کنارے پر مناجاتیں ہماری
نئی دنیا میں کس نے پوچھنا ہے
کہاں نسبت ہے کیا ذاتیں ہماری
کبھی ہم وقت سے آگے بھی تھے جب
ہمیں ازبر تھیں اوقاتیں ہماری
برسنے کی لگن میں بھول بیٹھے
ہیں کن خطوں پہ برساتیں ہماری
زمانے سے زمانہ کر رہا ہے
کبھی ہم سے کرے باتیں ہماری
شکاری بھی ہمی ہم ہی نشانہ
بڑی پر پیچ ہیں گھاتیں ہماری
سلاخیں چومنے آتے ہیں سارے
یہیں تک ہیں ملاقاتیں ہماری
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
