bhar chuka phir se mere sine ka chhaala aa ja

bhar chukā phir se mire siine kā chhālā aa jā

sun bhī le āshiq-e-dil-gīr kā naala aa jā

jiinā chāhat meñ tirī marnā mohabbat meñ tirī

kahāñ miltā hai koī chāhne vaalā aa jā

aa lab-e-bām maiñ jangal kī taraf jaatā huuñ

ġhairoñ ne phir mujhe bastī se nikālā aa jā

chhap gayā bādaloñ meñ chāñd sitāre bhī ḳhamosh

hove tere ruḳh-e-raushan se ujālā aa jā

raftagāñ ne dī sadā kitnī mohabbat se mujhe

bāñdh le raḳht-e-safar ālam-e-bālā aa jā

ai 'jalālī' na kuchh ulfat na vafā duniyā meñ

aa likheñ mil ke mohabbat kā risāla aa jā

bhar chuka phir se mere sine ka chhaala aa ja

sun bhi le aashiq-e-dil-gir ka nala aa ja

jina chahat mein teri marna mohabbat mein teri

kahan milta hai koi chahne wala aa ja

aa lab-e-baam main jangal ki taraf jata hun

ghairon ne phir mujhe basti se nikala aa ja

chhap gaya baadalon mein chand sitare bhi KHamosh

howe tere ruKH-e-raushan se ujala aa ja

raftagan ne di sada kitni mohabbat se mujhe

bandh le raKHt-e-safar aalam-e-baala aa ja

ai 'jalali' na kuchh ulfat na wafa duniya mein

aa likhen mil ke mohabbat ka risala aa ja