bhar din shabab ne ye un aankhon mein shoKHiyan

bhar diiñ shabāb ne ye un āñkhoñ meñ shoḳhiyāñ

til bhar bhī ab jagah nahīñ un meñ hayā kī hai

pheñk aa.e us ko jā ke vo kū-e-raqīb meñ

miTTī ḳharāb mere dil-e-mubtalā kī hai

detā huuñ dil ḳhushī se mirī jaan chhoḌiye

is ko na lījiye ye amānat ḳhudā kī hai

tauba na muñh lagā.egī rindoñ ko duḳht-e-raz

qālib meñ us ke ruuh kisī pārsā kī hai

tere hinā.ī haath tak un ko hai dastaras

ai rashk-e-gul chaman meñ ye qismat hinā kī hai

lākhoñ shahīd-e-nāz ga.e haiñ jahān se

mulk-e-adam meñ dhuum tumhārī jafā kī hai

choTī ke sher tū ne kahe is zamīn meñ

sach hai 'vasīm' terī tabī.at balā kī hai

bhar din shabab ne ye un aankhon mein shoKHiyan

til bhar bhi ab jagah nahin un mein haya ki hai

phenk aae us ko ja ke wo ku-e-raqib mein

miTTi KHarab mere dil-e-mubtala ki hai

deta hun dil KHushi se meri jaan chhoDiye

is ko na lijiye ye amanat KHuda ki hai

tauba na munh lagaegi rindon ko duKHt-e-raz

qalib mein us ke ruh kisi parsa ki hai

tere hinai hath tak un ko hai dastaras

ai rashk-e-gul chaman mein ye qismat hina ki hai

lakhon shahid-e-naz gae hain jahan se

mulk-e-adam mein dhum tumhaari jafa ki hai

choTi ke sher tu ne kahe is zamin mein

sach hai 'wasim' teri tabiat bala ki hai