بھر کے ظلمات دل دکھائے گی

بھر کے ظلمات دل دکھائے گی

رات بھر رات دل دکھائے گی

میری اوقات پوچھنے والوں

میری اوقات دل دکھائے گی

اتنی دیوانگی بھی ٹھیک نہیں

حسن کی ذات دل دکھائے گی

اب کے برسات تم نہیں ہو گے

اب کے برسات دل دکھائے گی

وصل کی رات یاد آئے گی جب

ہجر کی رات دل دکھائے گی

ہائے گزرے گی میرے کوچہ سے

اس کی بارات دل دکھائے گی

آخری بار ہم ملیں گے اور

یہ ملاقات دل دکھائے گی

ایسا سوچا نہ تھا اننیاؔ کبھی

اس کی اب بات دل دکھائے گی