bhar pae jaan-e-zar teri dosti se hum

bhar paa.e jān-e-zār tirī dostī se ham

jiite rahe to ab na mileñge kisī se ham

haiñ qāfile ke saath magar hai ravish judā

milte haiñ sab se aur nahīñ milte kisī se ham

zikr-e-sharāb-e-nāb pe vaa.iz ukhaḌ gayā

bole the achchhī baat bhale aadmī se ham

pāband-e-dair ho ke bhī bhūle nahīñ haiñ ghar

masjid meñ jā nikalte haiñ chorī chhupī se ham

duniyā badal ga.ī hai badal se ga.e haiñ kuchh

apnī ḳhushī badal ke tumhārī ḳhushī se ham

jaate kahāñ milā na phir apnā patā kahīñ

pahuñche to the bhaTak ga.e un kī galī se ham

'nātiq' hamī ko dil ne to kāfir banā diyā

ab kyā kaheñ ki haar ga.e bid.atī se ham

bhar pae jaan-e-zar teri dosti se hum

jite rahe to ab na milenge kisi se hum

hain qafile ke sath magar hai rawish juda

milte hain sab se aur nahin milte kisi se hum

zikr-e-sharab-e-nab pe waiz ukhaD gaya

bole the achchhi baat bhale aadmi se hum

paband-e-dair ho ke bhi bhule nahin hain ghar

masjid mein ja nikalte hain chori chhupi se hum

duniya badal gai hai badal se gae hain kuchh

apni KHushi badal ke tumhaari KHushi se hum

jate kahan mila na phir apna pata kahin

pahunche to the bhaTak gae un ki gali se hum

'natiq' hami ko dil ne to kafir bana diya

ab kya kahen ki haar gae bidati se hum