bhara kamal-e-wafa sen KHayal ka shisha

bharā kamāl-e-vafā señ ḳhayāl kā shīsha

ki ho.e badr señ puurā hilāl kā shīsha

vo ḳhush-dahan kī judā.ī señ narm gulshan meñ

har ek ġhuncha hai rañg-e-malāl kā shīsha

ḳhayāl-e-āriz-e-gul-rañg kī tajallī señ

hai aa.ina araq-e-infi.āl kā shīsha

tamām bū-qalamūnī kā hai tajallī-gāh

nahīñ ḳhudā.ī meñ dil kī misāl kā shīsha

chaman meñ āzim-e-holī hai vo basantī-posh

huā hai ġhuncha-e-lālā gulāl kā shīsha

ḳhushī señ charḳh meñ hai āftāb kī mānind

milā jise mai-e-nūr-e-jamāl kā shīsha

nabī kī aal kā ahvāl sun huā pur-ḳhūñ

'sirāj' dil hai mirā rañg-e-āl kā shīsha

bhara kamal-e-wafa sen KHayal ka shisha

ki hoe badr sen pura hilal ka shisha

wo KHush-dahan ki judai sen narm gulshan mein

har ek ghuncha hai rang-e-malal ka shisha

KHayal-e-ariz-e-gul-rang ki tajalli sen

hai aaina araq-e-infial ka shisha

tamam bu-qalamuni ka hai tajalli-gah

nahin KHudai mein dil ki misal ka shisha

chaman mein aazim-e-holi hai wo basanti-posh

hua hai ghuncha-e-lala gulal ka shisha

KHushi sen charKH mein hai aaftab ki manind

mila jise mai-e-nur-e-jamal ka shisha

nabi ki aal ka ahwal sun hua pur-KHun

'siraj' dil hai mera rang-e-al ka shisha