bhed teri jafa ka kholega

bhed terī jafā kā kholegā

ham na boleñge zaḳhm bolegā

dil ko mānūs-e-dard hone do

phir to kāñToñ pe bhī ye so legā

ek muddat se be-charāġh hai ghar

dil kā darvāza kaun kholegā

taab kis kis nazar kī lāoge

dil kā har zaḳhm aañkh kholegā

dard minnat-pazīr-e-zarf nahīñ

tū ise kis nazar se tolegā

shabnamīñ sub.h aañkh to khole

ġhuncha ġhuncha gulāb ho legā

aa.ina aa.ina hī hotā hai

jaisā dekhegā vaisā bolegā

sang dete ho dast-e-'shāriq' meñ

apnā sar apne ḳhuuñ se dho legā

bhed teri jafa ka kholega

hum na bolenge zaKHm bolega

dil ko manus-e-dard hone do

phir to kanTon pe bhi ye so lega

ek muddat se be-charagh hai ghar

dil ka darwaza kaun kholega

tab kis kis nazar ki laoge

dil ka har zaKHm aankh kholega

dard minnat-pazir-e-zarf nahin

tu ise kis nazar se tolega

shabnamin subh aankh to khole

ghuncha ghuncha gulab ho lega

aaina aaina hi hota hai

jaisa dekhega waisa bolega

sang dete ho dast-e-'shaariq' mein

apna sar apne KHun se dho lega