bhiga bhiga sa nasha raat gae

bhīgā bhīgā sā nasha raat ga.e

tujh se māmūr fazā raat ga.e

ik zarā saañs qarīñ kyā chamkī

huī tābinda qabā raat ga.e

chāñd eḌī meñ utar aaya thā

kahkashāñ ḳhāk-ba-pā raat ga.e

ik zarā lams-e-badan khiltā gayā

tan judā saañs judā raat ga.e

pichhlī pahchān bhalā kyā miltī

aur se aur huā raat ga.e

bhiga bhiga sa nasha raat gae

tujh se mamur faza raat gae

ek zara sans qarin kya chamki

hui tabinda qaba raat gae

chand eDi mein utar aaya tha

kahkashan KHak-ba-pa raat gae

ek zara lams-e-badan khilta gaya

tan juda sans juda raat gae

pichhli pahchan bhala kya milti

aur se aur hua raat gae