bhik le kar hi agar dan kiya jaega

bhiik le kar hī agar daan kiyā jā.egā

apnī hī zaat kā nuqsān kiyā jā.egā

aap ne fikr kī bharpūr himāyat kī hai

aap ko sāhib-e-īmān kiyā jā.egā

aap kyuuñ sach ke tahaffuz meñ khaḌe haiñ ab tak

aap ko roz pareshāñ kiyā jā.egā

hijr ke zaḳhm to rusvā hī kareñge mujh ko

aur phir chaak garebān kiyā jā.egā

apnī āñkhoñ meñ basā kar ke tirā aks-e-jamīl

muddatoñ tak tujhe mehmān kiyā jā.egā

is sabab se kabhī nazreñ na milā paa.e to

tujh pe ye soch ke ehsān kiyā jā.egā

kaam mushkil hai bharosa hai magar 'rāhī' ko

us ke insān ko insān kiyā jā.egā

bhik le kar hi agar dan kiya jaega

apni hi zat ka nuqsan kiya jaega

aap ne fikr ki bharpur himayat ki hai

aap ko sahib-e-iman kiya jaega

aap kyun sach ke tahaffuz mein khaDe hain ab tak

aap ko roz pareshan kiya jaega

hijr ke zaKHm to ruswa hi karenge mujh ko

aur phir chaak gareban kiya jaega

apni aankhon mein basa kar ke tera aks-e-jamil

muddaton tak tujhe mehman kiya jaega

is sabab se kabhi nazren na mila pae to

tujh pe ye soch ke ehsan kiya jaega

kaam mushkil hai bharosa hai magar 'rahi' ko

us ke insan ko insan kiya jaega