بھینی بھینی خوشبو جیسے لوگ کہاں ہیں

بھینی بھینی خوشبو جیسے لوگ کہاں ہیں

بلھے شاہ اور باہو جیسے لوگ کہاں ہیں

ہر جانب ہی تاریکی اور مایوسی ہے

جگ مگ کرتے جگنو جیسے لوگ کہاں ہیں

ہم سے آج غزالی آنکھیں روٹھ چکی ہیں

جانے اب وہ آہو جیسے لوگ کہاں ہیں

جن کا لہجہ آج روایت کہلاتا ہے

نستعلیق سے اردو جیسے لوگ کہاں ہیں

وہ شیرینی لفظوں کا وہ سحر کہاں ہے

کوہ قاف سے جادو جیسے لوگ کہاں ہیں

مستانوں کی بستی آصفؔ اجڑ چکی ہے

مست قلندر مادھو جیسے لوگ کہاں ہیں