bhul jaen hum use aisa nazara to nahin

bhuul jaa.eñ ham use aisā nazāra to nahīñ

yaad par aatā rahe ye bhī gavāra to nahīñ

dil dhaḌaktā hai dhaḌaktā hai dhaḌaktā hai mirā

vo tumhārā vo tumhārā vo tumhārā to nahīñ

āj-kal patthar uThā kar sochtā hai har koī

sāmne insān hai lekin hamārā to nahīñ

ḳhvāb kitne shaad haiñ aur raat bhī ābād hai

jaag kar maiñ ne hī ḳhud un ko sañvārā to nahīñ

baat baḌhne ke liye maiñ kis qadar be-tāb hoñ

aur baḌhāne kī taraf terā ishāra to nahīñ

haar jaane meñ mazā hai tum se gar ho sāmnā

jītnā vaise 'alaḳh' ko nāgavārā to nahīñ

bhul jaen hum use aisa nazara to nahin

yaad par aata rahe ye bhi gawara to nahin

dil dhaDakta hai dhaDakta hai dhaDakta hai mera

wo tumhaara wo tumhaara wo tumhaara to nahin

aaj-kal patthar uTha kar sochta hai har koi

samne insan hai lekin hamara to nahin

KHwab kitne shad hain aur raat bhi aabaad hai

jag kar main ne hi KHud un ko sanwara to nahin

baat baDhne ke liye main kis qadar be-tab hon

aur baDhane ki taraf tera ishaara to nahin

haar jaane mein maza hai tum se gar ho samna

jitna waise 'alaKH' ko nagawara to nahin