بھول کے اپنے سارے دکھوں کو خوشیوں کے لمحات میں آ

بھول کے اپنے سارے دکھوں کو خوشیوں کے لمحات میں آ

اے مجھ پر مر مٹنے والے آ جا میری ذات میں آ

خاک سے ہی تو پیدا ہوا ہے خاک میں ہی مل جائے گا

ناز و انا کو چھوڑ کے پیارے آ اپنی اوقات میں آ

سورج کی ضو تیری چمک کو حتماً پھیکا کر دے گی

چاند مرے اب چھوڑ بھی دے یہ دن کی ضد اور رات میں آ

اے دل تو نے کیوں کی محبت آخر اس ہرجائی سے

میں نے کب تجھ سے یہ کہا تھا کہ تو میری بات میں آ

اے بنی آدم ہاتھوں پہ ہاتھوں کو دھرے خاموش نہ بیٹھ

آنا ہے گر تجھ کو تو تاریخوں کے صفحات میں آ

کچھ بھی نہیں ہے پاس مرے دینے کو راہ محبت میں

تجھ سے گزارش ہے مرے ہمدم مت ایسے حالات میں آ

کیا ہو تقابل تیرا نبی سے اور ان کی اولادوں سے

گر ہے برابر ان کے تو پھر قرآں کی آیات میں آ