بھولا بسرا وقت پھر مہمان ہے
بھولا بسرا وقت پھر مہمان ہے
پھر وہی آنگن وہی دالان ہے
ایک کمرہ ہے کہیں جس میں نہاں
میرے بچپن کا سر و سامان ہے
بت کدے میں جو بھی ہے پتھر کا ہے
اور پتھر کا خدا انسان ہے
بے طرح مشکل ہے تجھ کو دیکھنا
سوچنا لیکن بڑا آسان ہے
جل اٹھا کیوں کر مرے دل کا چراغ
جب کہ سالوں سے یہ گھر ویران ہے
کب تجھے بھولا نہیں یاد آ رہا
ہاں ترے ہونے کا مجھ کو دھیان ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
