bhuli-bisri baat hai lekin ab tak bhul na pae hum

bhūlī-bisrī baat hai lekin ab tak bhuul na paa.e ham

muTThī bhar tāroñ kī ḳhātir apnā chāñd gañvā.e ham

ab to tumhāre hisse kā bhī pyaar hameñ karnā paḌtā hai

tum se sun kar jitne qisse yaad the sab dohrā.e ham

tum hote to betābī se ham ko lagā lete siine se

jin rātoñ meñ dukh jhele haiñ jin meñ rañj uThā.e ham

niiñd kahāñ ab to rahtī hai ā.ankhoñ meñ zahrāb kī dhund

miTTī kā dil chiir ke saare ḳhvāboñ ko daab aa.e ham

raat milī to de ga.ī ham ko thoḌī sī pahchān

sūraj sūraj din chamkā to ho ga.e aap parā.e ham

jhūTī sī ik aas pe shāyad pūchh le koī dil kā haal

chehre kā kashkol liye phirte haiñ ruup banā.e ham

bhuli-bisri baat hai lekin ab tak bhul na pae hum

muTThi bhar taron ki KHatir apna chand ganwae hum

ab to tumhaare hisse ka bhi pyar hamein karna paDta hai

tum se sun kar jitne qisse yaad the sab dohrae hum

tum hote to betabi se hum ko laga lete sine se

jin raaton mein dukh jhele hain jin mein ranj uThae hum

nind kahan ab to rahti hai aaankhon mein zahrab ki dhund

miTTi ka dil chir ke sare KHwabon ko dab aae hum

raat mili to de gai hum ko thoDi si pahchan

suraj suraj din chamka to ho gae aap parae hum

jhuTi si ek aas pe shayad puchh le koi dil ka haal

chehre ka kashkol liye phirte hain rup banae hum