bhulna chahta kahan hun main

bhūlnā chāhtā kahāñ huuñ maiñ

dard hai aur bas ravāñ huuñ maiñ

aaj kuchh yaad aa rahī ho yuuñ

tum zamīñ aur āsmāñ huuñ maiñ

kyā huā jo hisāb māñgā hai

kyā ġhamoñ kī koī dukāñ huuñ maiñ

raushnī kuchh charāġh kī laao

jis jagah dafn huuñ nihāñ huuñ maiñ

din dikhā.e zamāne ne aise

ab nahīñ mīr-e-kārvāñ huuñ maiñ

sādgī hai adā meñ us kī jo

ishq meñ yaar rā.egāñ huuñ maiñ

zaat 'ḳhuddār' kī dikhī jab jab

shā.irī kā hasīñ samāñ huuñ maiñ

bhulna chahta kahan hun main

dard hai aur bas rawan hun main

aaj kuchh yaad aa rahi ho yun

tum zamin aur aasman hun main

kya hua jo hisab manga hai

kya ghamon ki koi dukan hun main

raushni kuchh charagh ki lao

jis jagah dafn hun nihan hun main

din dikhae zamane ne aise

ab nahin mir-e-karwan hun main

sadgi hai ada mein us ki jo

ishq mein yar raegan hun main

zat 'KHuddar' ki dikhi jab jab

shairi ka hasin saman hun main