bichhaD gaya hai to tujhko muaf karte hain

bichhaḌ gayā hai to tujh ko muaaf karte haiñ

hameñ to ishq thā ye e'tirāf karte haiñ

tū paas thā to faqat tere ird-gird the ham

ki jis tarah ye patange tavāf karte haiñ

chalā gayā hai to ab tere ehtirām meñ ham

tirī galī tire kūche ko saaf karte haiñ

jo tere qurb kī garmī nahīñ muqaddar meñ

so shab ko apne badan par lihāf karte haiñ

ab intizār meñ baiThe hue haiñ sunñe ko

tire vo harf jo dil meñ shigāf karte haiñ

tire sabab hī ġhazal meñ hai tāzgī paiham

suḳhan meñ roz nayā inkishāf karte haiñ

bichhaD gaya hai to tujh ko muaf karte hain

hamein to ishq tha ye e'tiraf karte hain

tu pas tha to faqat tere ird-gird the hum

ki jis tarah ye patange tawaf karte hain

chala gaya hai to ab tere ehtiram mein hum

teri gali tere kuche ko saf karte hain

jo tere qurb ki garmi nahin muqaddar mein

so shab ko apne badan par lihaf karte hain

ab intizar mein baiThe hue hain sunne ko

tere wo harf jo dil mein shigaf karte hain

tere sabab hi ghazal mein hai tazgi paiham

suKHan mein roz naya inkishaf karte hain