بچھڑ گیا ہے تو تجھ کو معاف کرتے ہیں

بچھڑ گیا ہے تو تجھ کو معاف کرتے ہیں

ہمیں تو عشق تھا یہ اعتراف کرتے ہیں

تو پاس تھا تو فقط تیرے ارد گرد تھے ہم

کہ جس طرح یہ پتنگے طواف کرتے ہیں

چلا گیا ہے تو اب تیرے احترام میں ہم

تری گلی ترے کوچے کو صاف کرتے ہیں

جو تیرے قرب کی گرمی نہیں مقدر میں

سو شب کو اپنے بدن پر لحاف کرتے ہیں

اب انتظار میں بیٹھے ہوئے ہیں سننے کو

ترے وہ حرف جو دل میں شگاف کرتے ہیں

ترے سبب ہی غزل میں ہے تازگی پیہم

سخن میں روز نیا انکشاف کرتے ہیں