bichhaD ke humse milna chahti hai
bichhaḌ ke ham se milnā chāhtī hai
mohabbat aur kyā kyā chāhtī hai
kisī sahrā-e-vahshat meñ utar kar
mohabbat ḳhud simaTnā chāhtī hai
jise sūraj ne jhulsāyā hai barsoñ
vahī koñpal panapnā chāhtī hai
koī mauj-e-balā hai aur tanhā
samundar ko nigalnā chāhtī hai
jhulaste sūrajoñ kī bhaTTiyoñ meñ
har ik saa.at pighalnā chāhtī hai
koī zaḳhmī parinda mar rahā hai
basārat muñh chhupānā chāhtī hai
samundar shab utarne ko hai 'ishrat'
ye bastī Duub jaanā chāhtī hai
bichhaD ke hum se milna chahti hai
mohabbat aur kya kya chahti hai
kisi sahra-e-wahshat mein utar kar
mohabbat KHud simaTna chahti hai
jise suraj ne jhulsaya hai barson
wahi konpal panapna chahti hai
koi mauj-e-bala hai aur tanha
samundar ko nigalna chahti hai
jhulaste surajon ki bhaTTiyon mein
har ek saat pighalna chahti hai
koi zaKHmi parinda mar raha hai
basarat munh chhupana chahti hai
samundar shab utarne ko hai 'ishrat'
ye basti Dub jaana chahti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
