bich yaron ke tere nam ka charcha karna

biich yāroñ ke tire naam kā charchā karnā

mujh ko aatā hī nahīñ pyaar ko rusvā karnā

ek tūfān sā siine meñ uThāyā karnā

yaad hai mujh ko tirā chhat se ishāra karnā

duur bastī se hamārā kahīñ tanhā.ī meñ

raah milne kī shab-o-roz hī paidā karnā

sub.h aa.egī to jalve tire dikhlā.egī

raat bhar merā isī mauj meñ jaagā karnā

ḳhvāb aate the magar pal meñ bikhar jaate the

tujh ko paanā thā sitāroñ kī tamanna karnā

ahd-o-paimāñ jo kiyā thā to nibhāte jaate

kyā kahūñ siikh liyā tum ne kinārā karnā

bich yaron ke tere nam ka charcha karna

mujh ko aata hi nahin pyar ko ruswa karna

ek tufan sa sine mein uThaya karna

yaad hai mujh ko tera chhat se ishaara karna

dur basti se hamara kahin tanhai mein

rah milne ki shab-o-roz hi paida karna

subh aaegi to jalwe tere dikhlaegi

raat bhar mera isi mauj mein jaga karna

KHwab aate the magar pal mein bikhar jate the

tujh ko pana tha sitaron ki tamanna karna

ahd-o-paiman jo kiya tha to nibhate jate

kya kahun sikh liya tum ne kinara karna