bimar hain go ishq mein to kya kare koi

bīmār haiñ go ishq meñ to kyā kare koī

dil ke marīz ko yuuñ na kosā kare koī

zar ko jahāñ meñ le ke chukāte haiñ jaise sab

ehsān ko bhī aise chukāyā kare koī

daulat zarūrī jaise samajhte haiñ sab yahāñ

rishte zarūrī vaise hī samjhā kare koī

duniyā meñ ġham ke bojh tale dab gayā huuñ maiñ

jiine kī ek vajah batāyā kare koī

manzil talāshne meñ ye jīvan guzar rahā

himmat yahāñ pe merī baḌhāyā kare koī

nākāmiyoñ kī tīrgī meñ kho gayā huuñ maiñ

ab raushnī safar meñ dikhāyā kare koī

gar mil ga.e ḳhudā to karūñ un se arz maiñ

ġham aur dard se na satāyā kare koī

iḳhlās meñ badan kī jagah ruuh ko milā

lab kī jagah jabīñ pe to bosā kare koī

is hijr meñ talab merī pahle se baḌh ga.ī

ab vasl ke fasāne sunāyā kare koī

ik arse se hañsā nahīñ ġham ke sabab se maiñ

dair-o-haram meñ us ko batāyā kare koī

vālid ḳhafā haiñ naukrī maiñ kar nahīñ rahā

apne suḳhan ko kaise ḳhasāra kare koī

har koī bhāgtā hai guhar kī talāsh meñ

'kātib' ke jaise naam kamāyā kare koī

bimar hain go ishq mein to kya kare koi

dil ke mariz ko yun na kosa kare koi

zar ko jahan mein le ke chukate hain jaise sab

ehsan ko bhi aise chukaya kare koi

daulat zaruri jaise samajhte hain sab yahan

rishte zaruri waise hi samjha kare koi

duniya mein gham ke bojh tale dab gaya hun main

jine ki ek wajah bataya kare koi

manzil talashne mein ye jiwan guzar raha

himmat yahan pe meri baDhaya kare koi

nakaamiyon ki tirgi mein kho gaya hun main

ab raushni safar mein dikhaya kare koi

gar mil gae KHuda to karun un se arz main

gham aur dard se na sataya kare koi

iKHlas mein badan ki jagah ruh ko mila

lab ki jagah jabin pe to bosa kare koi

is hijr mein talab meri pahle se baDh gai

ab wasl ke fasane sunaya kare koi

ek arse se hansa nahin gham ke sabab se main

dair-o-haram mein us ko bataya kare koi

walid KHafa hain naukri main kar nahin raha

apne suKHan ko kaise KHasara kare koi

har koi bhagta hai guhar ki talash mein

'katib' ke jaise nam kamaya kare koi