bimar ko maraz ki dawa deni chahiye
bīmār ko maraz kī davā denī chāhiye
maiñ piinā chāhtā huuñ pilā denī chāhiye
allāh barkatoñ se navāzegā ishq meñ
hai jitnī pūñjī paas lagā denī chāhiye
dil bhī kisī faqīr ke hujre se kam nahīñ
duniyā yahīñ pe lā ke chhupā denī chāhiye
maiñ ḳhud bhī karnā chāhtā huuñ apnā sāmnā
tujh ko bhī ab naqāb uThā denī chāhiye
maiñ phuul huuñ to phuul ko gul-dān ho nasīb
maiñ aag huuñ to aag bujhā denī chāhiye
maiñ taaj huuñ to taaj ko sar par sajā.eñ log
maiñ ḳhaak huuñ to ḳhaak uḌā denī chāhiye
maiñ jabr huuñ to jabr kī tā.īd band ho
maiñ sabr huuñ to mujh ko duā denī chāhiye
maiñ ḳhvāb huuñ to ḳhvāb se chauñkāiye mujhe
maiñ niiñd huuñ to niiñd uḌā denī chāhiye
sach baat kaun hai jo sar-e-ām kah sake
maiñ kah rahā huuñ mujh ko sazā denī chāhiye
bimar ko maraz ki dawa deni chahiye
main pina chahta hun pila deni chahiye
allah barkaton se nawazega ishq mein
hai jitni punji pas laga deni chahiye
dil bhi kisi faqir ke hujre se kam nahin
duniya yahin pe la ke chhupa deni chahiye
main KHud bhi karna chahta hun apna samna
tujh ko bhi ab naqab uTha deni chahiye
main phul hun to phul ko gul-dan ho nasib
main aag hun to aag bujha deni chahiye
main taj hun to taj ko sar par sajaen log
main KHak hun to KHak uDa deni chahiye
main jabr hun to jabr ki taid band ho
main sabr hun to mujh ko dua deni chahiye
main KHwab hun to KHwab se chaunkaiye mujhe
main nind hun to nind uDa deni chahiye
sach baat kaun hai jo sar-e-am kah sake
main kah raha hun mujh ko saza deni chahiye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
