bite dinon ki tu agar tahrir likh

biite dinoñ kī tū agar tahrīr likh

apne qalam se vaqt kī taqdīr likh

mahdūd ma.anī meñ simaT kar rah kabhī

jab phail jaa.e to koī tafsīr likh

mahrūm āñkhoñ se bhī ho to paḌh le ḳhat

tārīk shab par is tarah tanvīr likh

dasht-o-bayābāñ meñ nahīñ to chhoḌ de

yā mere ḳhvāboñ kī koī ta.abīr likh

āvāz ke saa.e meñ be āvāz huuñ

'iqbāl' 'ġhālib' aur na mujh ko 'mīr' likh

is saal kyā hai barf-bārī kā ġhazab

Dal jhiil ho yā gulshan-e-kashmīr likh

āzād ho kar bhī muqayyad huuñ 'zafar'

jo toḌ de zindāñ ko vo zanjīr likh

bite dinon ki tu agar tahrir likh

apne qalam se waqt ki taqdir likh

mahdud mani mein simaT kar rah kabhi

jab phail jae to koi tafsir likh

mahrum aankhon se bhi ho to paDh le KHat

tarik shab par is tarah tanwir likh

dasht-o-bayaban mein nahin to chhoD de

ya mere KHwabon ki koi tabir likh

aawaz ke sae mein be aawaz hun

'iqbaal' 'ghaalib' aur na mujh ko 'mir' likh

is sal kya hai barf-bari ka ghazab

Dal jhil ho ya gulshan-e-kashmir likh

aazad ho kar bhi muqayyad hun 'zafar'

jo toD de zindan ko wo zanjir likh