bijli ki zad mein ek mera aashiyan nahin
bijlī kī zad meñ ek mirā āshiyāñ nahīñ
vo kaun sī zamīñ hai jahāñ āsmāñ nahīñ
bulbul ko ġham hai gul ke nigahbāñ nahīñ rahe
gulchīñ hai ḳhush ki ab koī dāman-kashāñ nahīñ
manzil kā milnā zauq-e-tajassus kī maut hai
achchhā hai jo hayāt mirī kāmrāñ nahīñ
chashm-e-karam nahīñ nigah-e-ḳhashmagīñ to hai
nā-mehrbāñ to haiñ vo agar mehrbāñ nahīñ
vo apnī apnī tarz-e-takallum kī baat hai
gul mahv-e-guftugū haiñ go muñh meñ zabāñ nahīñ
bijli ki zad mein ek mera aashiyan nahin
wo kaun si zamin hai jahan aasman nahin
bulbul ko gham hai gul ke nigahban nahin rahe
gulchin hai KHush ki ab koi daman-kashan nahin
manzil ka milna zauq-e-tajassus ki maut hai
achchha hai jo hayat meri kaamran nahin
chashm-e-karam nahin nigah-e-KHashmagin to hai
na-mehrban to hain wo agar mehrban nahin
wo apni apni tarz-e-takallum ki baat hai
gul mahw-e-guftugu hain go munh mein zaban nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
