bijliyon ko pala hai maine ek zamane se

bijliyoñ ko paalā hai maiñ ne ik zamāne se

raushnī nikaltī hai mere āshiyāne se

jāntā huuñ us ko maiñ hai vo maslahat-andesh

haath to milā legā dil rahā milāne se

kis qadar ye behtar hai qaul ahl-e-dānish kā

jurm aur baḌhte haiñ jurm ke chhupāne se

ye hadīs bhī dekho haq hai har zamāne meñ

umr ghaTtī jaatī hai jhūTī qasmeñ khāne se

kitnī hī bulandī par baiTh jaa.eñ gidh saare

aa.alī ho nahīñ jaate ūñchī kursī paane se

zehn-e-ahl-e-dānish meñ paa.ī hai jagah 'muḳhlis'

har adab kī mahfil meñ sirf āne-jāne se

bijliyon ko pala hai main ne ek zamane se

raushni nikalti hai mere aashiyane se

jaanta hun us ko main hai wo maslahat-andesh

hath to mila lega dil raha milane se

kis qadar ye behtar hai qaul ahl-e-danish ka

jurm aur baDhte hain jurm ke chhupane se

ye hadis bhi dekho haq hai har zamane mein

umr ghaTti jati hai jhuTi qasmen khane se

kitni hi bulandi par baiTh jaen gidh sare

aaali ho nahin jate unchi kursi pane se

zehn-e-ahl-e-danish mein pai hai jagah 'muKHlis'

har adab ki mahfil mein sirf aane-jaane se