bik raha hun sar-e-bazar zara dekho to

bik rahā huuñ sar-e-bāzār zarā dekho to

hai koī merā ḳharīdār zarā dekho to

ghaT gayā ilm kā me.aar zarā dekho to

kuchh nahīñ qīmat-e-fankār zarā dekho to

mere purkhoñ ne jo mehnat se uThā.ī thī kabhī

gir ga.ī ghar kī vo dīvār zarā dekho to

dekhte rah ga.e sab log shikāyat hai yahī

luT ga.e ham sar-e-bāzār zarā dekho to

kaun ye tum se kahe merī taraf ek nazar

mere hamdam mire ġham-ḳhvār zarā dekho to

kis kā ghar luT gayā sailāb-e-havādis meñ yahāñ

dosto aaj kā aḳhbār zarā dekho to

qāfile vāloñ se 'mas.ūd' chalo baḌh ke kaho

ziist kī raah hai dushvār zarā dekho to

bik raha hun sar-e-bazar zara dekho to

hai koi mera KHaridar zara dekho to

ghaT gaya ilm ka mear zara dekho to

kuchh nahin qimat-e-fankar zara dekho to

mere purkhon ne jo mehnat se uThai thi kabhi

gir gai ghar ki wo diwar zara dekho to

dekhte rah gae sab log shikayat hai yahi

luT gae hum sar-e-bazar zara dekho to

kaun ye tum se kahe meri taraf ek nazar

mere hamdam mere gham-KHwar zara dekho to

kis ka ghar luT gaya sailab-e-hawadis mein yahan

dosto aaj ka aKHbar zara dekho to

qafile walon se 'masud' chalo baDh ke kaho

zist ki rah hai dushwar zara dekho to