bikharna TuTna bhi aur ana ke sath bhi rahna
bikharnā TūTnā bhī aur anā ke saath bhī rahnā
sitam ījād bhī karnā vafā ke saath bhī rahnā
tirā andāza aisā hai añdheroñ kī kahānī meñ
jalānā kuchh diye bhī aur havā ke saath bhī rahnā
yahāñ to shoḳhiyoñ ko apnī zebā.ī se matlab hai
lahū meñ bhī machalnā aur hinā ke saath bhī rahnā
ajab rañg-e-ta.alluq hai mohabbat kā mire dil se
ki us ko toḌnā bhī aur sadā ke saath bhī rahnā
haram aur dair sab naqsh-e-mohabbat haiñ so dil ko hai
ḳhad-o-ḳhāl-e-butāñ meñ bhī ḳhudā ke saath bhī rahnā
lahū kā haal hai 'jāved' aisā jaise nashsha ho
dhḌaknā dil meñ bhī bād-e-sabā ke saath bhī rahnā
bikharna TuTna bhi aur ana ke sath bhi rahna
sitam ijad bhi karna wafa ke sath bhi rahna
tera andaza aisa hai andheron ki kahani mein
jalana kuchh diye bhi aur hawa ke sath bhi rahna
yahan to shoKHiyon ko apni zebai se matlab hai
lahu mein bhi machalna aur hina ke sath bhi rahna
ajab rang-e-talluq hai mohabbat ka mere dil se
ki us ko toDna bhi aur sada ke sath bhi rahna
haram aur dair sab naqsh-e-mohabbat hain so dil ko hai
KHad-o-KHal-e-butan mein bhi KHuda ke sath bhi rahna
lahu ka haal hai 'jawed' aisa jaise nashsha ho
dhDakna dil mein bhi baad-e-saba ke sath bhi rahna
- Book : Ghazal Calendar-2015 (Pg. 03.04.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
