bikharti KHak mein koi KHazana DhunDhti hai
bikharti KHak mein koi KHazana DhunDhti hai
Mohammad Ajmal Niyazi
MORE BYMohammad Ajmal Niyazi
bikhartī ḳhaak meñ koī ḳhazāna DhūñDhtī hai
thakī-hārī zamīñ apnā zamāna DhūñDhtī hai
shajar kaTte chale jaate haiñ dil kī bastiyoñ meñ
tirī yādoñ kī chiḌiyā āshiyāna DhūñDhtī hai
yaqīñ kī sar-zamīñ zāhir huī ujḌe lahū meñ
ye arz-e-be-vatan apnā tarāna DhūñDhtī hai
bhaTaktī hai tujhe milne kī ḳhvāhish mahfiloñ meñ
ye ḳhvāhish ḳhvāhishoñ meñ āstāna DhūñDhtī hai
tire ġham kā ḳhumār utrā adhūrī kaifiyat meñ
ye kaifiyyat koī mausam purānā DhūñDhtī hai
bikhartā huuñ judā.ī kī akelī vus.atoñ meñ
ye vīrānī mire ghar meñ Thikāna DhūñDhtī hai
mirī miTTī sajā.ī jā rahī hai āñganoñ meñ
ye rastoñ par taḌapne kā bahāna DhūñDhtī hai
bikharti KHak mein koi KHazana DhunDhti hai
thaki-haari zamin apna zamana DhunDhti hai
shajar kaTte chale jate hain dil ki bastiyon mein
teri yaadon ki chiDiya aashiyana DhunDhti hai
yaqin ki sar-zamin zahir hui ujDe lahu mein
ye arz-e-be-watan apna tarana DhunDhti hai
bhaTakti hai tujhe milne ki KHwahish mahfilon mein
ye KHwahish KHwahishon mein aastana DhunDhti hai
tere gham ka KHumar utra adhuri kaifiyat mein
ye kaifiyyat koi mausam purana DhunDhti hai
bikharta hun judai ki akeli wusaton mein
ye virani mere ghar mein Thikana DhunDhti hai
meri miTTi sajai ja rahi hai aanganon mein
ye raston par taDapne ka bahana DhunDhti hai
- Book : Urdu Adab (Pg. 60)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
