bikhra hun jab main KHud yahan koi mujhe girae kyun

bikhrā huuñ jab maiñ ḳhud yahāñ koī mujhe girā.e kyuuñ

pahle se raakh raakh huuñ phir bhī koī bujhā.e kyuuñ

iisā na vo nabī koī adnā sā aadmī koī

phir bhī salīb-e-dard ko sar pe koī uThā.eñ kyuuñ

saare jo ġham-gusār the kab ke raqīb ban chuke

aise meñ dostoñ koī apnā ye ġham sunā.e kyuuñ

yaktā vo zāt-e-akbarī dil ye haqīro asġharī

itnī vasī.a shai bhalā dil meñ mire samā.e kyuuñ

paltā hamāre ḳhuuñ se hai ishq magar adū se hai

apnā nahīñ jo bevafā ham ko yuuñ āzmā.e kyuuñ

sub.h kā vaqt aa.e to ḳhud hī bujhegā ye charāġh

is ko sahar se peshtar koī magar bujhā.e kyuuñ

jis par girī hai barq bhī jis pe havā kī hai nazar

shāḳhoñ meñ aisī ai 'sahāb' ghar bhī koī banā.e kyuuñ

bikhra hun jab main KHud yahan koi mujhe girae kyun

pahle se rakh rakh hun phir bhi koi bujhae kyun

isa na wo nabi koi adna sa aadmi koi

phir bhi salib-e-dard ko sar pe koi uThaen kyun

sare jo gham-gusar the kab ke raqib ban chuke

aise mein doston koi apna ye gham sunae kyun

yakta wo zat-e-akbari dil ye haqiro asghari

itni wasia shai bhala dil mein mere samae kyun

palta hamare KHun se hai ishq magar adu se hai

apna nahin jo bewafa hum ko yun aazmae kyun

subh ka waqt aae to KHud hi bujhega ye charagh

is ko sahar se peshtar koi magar bujhae kyun

jis par giri hai barq bhi jis pe hawa ki hai nazar

shaKHon mein aisi ai 'sahab' ghar bhi koi banae kyun