bikhre jab KHwab to haalat ne rone na diya

bikhre jab ḳhvāb to hālāt ne rone na diyā

umr bhar ġhairat-e-jazbāt ne rone na diyā

raah pur-ḳhār thī phūloñ se ravish saj na sakī

phir bhī dushvārī-e-hālāt ne rone na diyā

go ki ruḳhsat huī sat-rang dhanak aap ke saath

hijr kī raat meñ barsāt ne rone na diyā

the vo bebas sitam-e-dahr pe jo rote rahe

dil thā pur-azm to sadmāt ne rone na diyā

dil shikasta the magar hausla rakhte the 'kiran'

ishq meñ ġham kī rivāyāt ne rone na diyā

bikhre jab KHwab to haalat ne rone na diya

umr bhar ghairat-e-jazbaat ne rone na diya

rah pur-KHar thi phulon se rawish saj na saki

phir bhi dushwari-e-haalat ne rone na diya

go ki ruKHsat hui sat-rang dhanak aap ke sath

hijr ki raat mein barsat ne rone na diya

the wo bebas sitam-e-dahr pe jo rote rahe

dil tha pur-azm to sadmat ne rone na diya

dil shikasta the magar hausla rakhte the 'kiran'

ishq mein gham ki riwayat ne rone na diya