bikhre paDe the hum hamein yakja na kar saka

bikhre paḌe the ham hameñ yakjā na kar sakā

kaisā ḳhudā thā koī karishma na kar sakā

TuuTā thā ek ḳhvāb laḌakpan meñ us ke baad

tā-umr maiñ koī bhī tamannā na kar sakā

ai āsmān tuf hai tirī vus.atoñ pe tuf

ik ḳhitta is zamīn pe saaya na kar sakā

tū bhī to mere rañg meñ aayā na umr bhar

maiñ bhī to apne aap ko tujh sā na kar sakā

vo kaam aaj qashqa lagāne se ho gayā

maulānā sāhab kā jo amāma na kar sakā

dīvān-e-'mīr'-o-'jaun' ne jo kaam kar diyā

duniyā kā koī sā bhī sahīfa na kar sakā

bikhre paDe the hum hamein yakja na kar saka

kaisa KHuda tha koi karishma na kar saka

TuTa tha ek KHwab laDakpan mein us ke baad

ta-umr main koi bhi tamanna na kar saka

ai aasman tuf hai teri wusaton pe tuf

ek KHitta is zamin pe saya na kar saka

tu bhi to mere rang mein aaya na umr bhar

main bhi to apne aap ko tujh sa na kar saka

wo kaam aaj qashqa lagane se ho gaya

maulana sahab ka jo amama na kar saka

diwan-e-'mir'-o-'jaun' ne jo kaam kar diya

duniya ka koi sa bhi sahifa na kar saka