bina jaane kisi ke ho gae hum

binā jaane kisī ke ho ga.e ham

ġhubār-e-kārvāñ meñ kho ga.e ham

ragoñ meñ barf sī jamne lagī hai

sambhālo apnī yādoñ ko ga.e ham

tumhārī muskurāhaT rach ga.ī hai

har us ġhunche meñ jis par ro ga.e ham

kise ma.alūm kyā mahfil pe guzrī

fasāna kahte kahte so ga.e ham

tirī chāhat ke sannāToñ se Dar kar

hujūm-e-zindagī meñ kho ga.e ham

na raas aa.ī kisī kī chhāñv 'shohrat'

ḳhud apnī dhuup hī meñ so ga.e ham

bina jaane kisi ke ho gae hum

ghubar-e-karwan mein kho gae hum

ragon mein barf si jamne lagi hai

sambhaalo apni yaadon ko gae hum

tumhaari muskurahaT rach gai hai

har us ghunche mein jis par ro gae hum

kise malum kya mahfil pe guzri

fasana kahte kahte so gae hum

teri chahat ke sannaTon se Dar kar

hujum-e-zindagi mein kho gae hum

na ras aai kisi ki chhanw 'shohrat'

KHud apni dhup hi mein so gae hum