bistar-e-marg par zindagi ki talab

bistar-e-marg par zindagī kī talab

jaise zulmat meñ ho raushnī kī talab

kal talak kamtarī jin kī taqdīr thī

aaj un ko huī bartarī kī talab

umr bhar apnī puujā karātā rahā

ab huī us ko bhī bandagī kī talab

chīḳhte the bahut ham har ik baat par

ho ga.ī ab magar ḳhāmushī kī talab

pyaas duniyā kī jis ne bujhā.ī sadā

us samundar ko hai tishnagī kī talab

chaar paise jo aa.e zarā haath meñ

un ko bhī ho ga.ī rahbarī kī talab

dekh kar ye numā.ish kī duniyā 'asad'

ham ne mahsūs kī sādgī kī talab

bistar-e-marg par zindagi ki talab

jaise zulmat mein ho raushni ki talab

kal talak kamtari jin ki taqdir thi

aaj un ko hui bartari ki talab

umr bhar apni puja karaata raha

ab hui us ko bhi bandagi ki talab

chiKHte the bahut hum har ek baat par

ho gai ab magar KHamushi ki talab

pyas duniya ki jis ne bujhai sada

us samundar ko hai tishnagi ki talab

chaar paise jo aae zara hath mein

un ko bhi ho gai rahbari ki talab

dekh kar ye numaish ki duniya 'asad'

hum ne mahsus ki sadgi ki talab