bistar-e-narm par wo sota hai

bistar-e-narm par vo sotā hai

yaañ pas-e-ḳhema koī rotā hai

dhyān mizhgān-e-āb-dār kā aah

dil meñ ik neshtar chubhotā hai

vasl us kā na pā.egā ai dil

kyoñ abas apnī jaan khotā hai

qatra-e-ashk kā asar dekho

ki kudūrat diloñ kī dhotā hai

jise kahte haiñ yaañ samundar sab

mere ashkoñ kā ek sotā hai

tū to ġharq-e-muhīt-e-ishq huā

haañ dilā mujh ko kyoñ Dubotā hai

ho shab-e-vasl-e-tālib-o-matlūb

kyā zamāne meñ yuuñ bhī hotā hai

sher kahtā hai is tarah ke 'zamīr'

jaise motī koī pirotā hai

bistar-e-narm par wo sota hai

yan pas-e-KHema koi rota hai

dhyan mizhgan-e-ab-dar ka aah

dil mein ek neshtar chubhota hai

wasl us ka na paega ai dil

kyon abas apni jaan khota hai

qatra-e-ashk ka asar dekho

ki kudurat dilon ki dhota hai

jise kahte hain yan samundar sab

mere ashkon ka ek sota hai

tu to gharq-e-muhit-e-ishq hua

han dila mujh ko kyon Dubota hai

ho shab-e-wasl-e-talib-o-matlub

kya zamane mein yun bhi hota hai

sher kahta hai is tarah ke 'zamir'

jaise moti koi pirota hai