bojh hasti ka utar jaega aaKHir ek din

bojh hastī kā utar jā.egā āḳhir ik din

vaqt chupke se guzar jā.egā āḳhir ik din

shāḳh-e-gul par ye gul-e-tar kī hifāzat kab tak

ek jhoñke se bikhar jā.egā āḳhir ik din

mere naale ko na yuuñ tum nazar-andāz karo

arsh tak is kā asar jā.egā āḳhir ik din

hausla hai to phir andesha-e-fardā kaisā

kaam bigḌā bhī sañvar jā.egā āḳhir ik din

chand phūloñ ke tabassum pe qanā.at kaisī

baaġh hī saarā nikhar jā.egā āḳhir ik din

bojh hasti ka utar jaega aaKHir ek din

waqt chupke se guzar jaega aaKHir ek din

shaKH-e-gul par ye gul-e-tar ki hifazat kab tak

ek jhonke se bikhar jaega aaKHir ek din

mere nale ko na yun tum nazar-andaz karo

arsh tak is ka asar jaega aaKHir ek din

hausla hai to phir andesha-e-farda kaisa

kaam bigDa bhi sanwar jaega aaKHir ek din

chand phulon ke tabassum pe qanaat kaisi

bagh hi sara nikhar jaega aaKHir ek din