bojh yaadon ka Dho nahin pae

bojh yādoñ kā Dho nahīñ paa.e

daaġh dāman ke dho nahīñ paa.e

niiñd pahlū meñ raat ke jaagī

be-ḳhabar ham bhī so nahīñ paa.e

vo kisī ġhair kā banā sāthī

ham to ḳhud ke bhī ho nahīñ paa.e

ek muddat se ġham-zada ham haiñ

ek muddat se ro nahīñ paa.e

tujh se bichhḌe to ham adhūre the

phir mukammal bhī ho nahīñ paa.e

bojh yaadon ka Dho nahin pae

dagh daman ke dho nahin pae

nind pahlu mein raat ke jagi

be-KHabar hum bhi so nahin pae

wo kisi ghair ka bana sathi

hum to KHud ke bhi ho nahin pae

ek muddat se gham-zada hum hain

ek muddat se ro nahin pae

tujh se bichhDe to hum adhure the

phir mukammal bhi ho nahin pae