bosa dete ho agar tum mujhko do do sab ke do

bosa dete ho agar tum mujh ko do do sab ke do

jiibh ke do sir ke do ruḳhsār ke do sab ke do

le ke do ruḳhsār ke bose jo māñge sab ke do

aur to de deñge bole par ye haiñ be-Dhab ke do

māñgte tujh se nahīñ ai gul-badan kuchh aur ham

hai agar taufīq tum bose do nām-e-rab ke do

rozoñ meñ gar paas apne aa.e vo rashk-e-qamar

bosa ham iftār ko māñgeñ lab-e-atyab ke do

misal-e-yūsuf ho rahā huuñ maiñ asīr-e-chāh-e-ġham

bosa ai rashk-e-zuleḳhā do mujhe abab ke do

maiñ nahīñ huuñ māñgtā das biis tum se yā pachās

sirf do bosa lab-e-shīrīñ ke hañs kar ab ke do

hai ḳhushī ye aap kī ai māh-rū do yā na do

kaun kahtā hai ki tum bose kisī se dab ke do

do do kar ke bosa-e-mau.ūd jab maiñ ne gine

hañs ke pūchhā haiñ ikaTThe ye kiye kab kab ke do

tab kahā maiñ ne ki sun lo sher meñ kyā sharm hai

sub.h ke do shaam ke do din ke do aur shab ke do

donoñ ruḳhsāroñ ke bose leñge ham ai sīm-tan

do hameñ is Dhab ke do tum aur do is Dhab ke do

'mashriqī' ma.ashūq do pachchhim ke mahfil meñ ho gar

do deccan ke chāhiyeñ uttar ke do pūrab ke do

bosa dete ho agar tum mujh ko do do sab ke do

jibh ke do sir ke do ruKHsar ke do sab ke do

le ke do ruKHsar ke bose jo mange sab ke do

aur to de denge bole par ye hain be-Dhab ke do

mangte tujh se nahin ai gul-badan kuchh aur hum

hai agar taufiq tum bose do nam-e-rab ke do

rozon mein gar pas apne aae wo rashk-e-qamar

bosa hum iftar ko mangen lab-e-atyab ke do

misal-e-yusuf ho raha hun main asir-e-chah-e-gham

bosa ai rashk-e-zuleKHa do mujhe abab ke do

main nahin hun mangta das bis tum se ya pachas

sirf do bosa lab-e-shirin ke hans kar ab ke do

hai KHushi ye aap ki ai mah-ru do ya na do

kaun kahta hai ki tum bose kisi se dab ke do

do do kar ke bosa-e-mauud jab main ne gine

hans ke puchha hain ikaTThe ye kiye kab kab ke do

tab kaha main ne ki sun lo sher mein kya sharm hai

subh ke do sham ke do din ke do aur shab ke do

donon ruKHsaron ke bose lenge hum ai sim-tan

do hamein is Dhab ke do tum aur do is Dhab ke do

'mashriqi' mashuq do pachchhim ke mahfil mein ho gar

do deccan ke chahiyen uttar ke do purab ke do