bosa zulf-e-dotā kā do
rūhoñ balā.eñ sadqa do
radd-o-badal kyā bosa do
letā ek na detā do
zulf-e-siyah ke mujrim haiñ
kaale paanī bhijvā do
ye jā.eñge misl-e-habāb
chhūTne dil kā chhālā do
mushrik kyā ho vahdat meñ
ek ko dekhe jhaTkā do
ghar meñ bulā ke qatl karo
darvāze meñ teġhā do
ham pe khulā hai rāz-e-kamar
aur kisī ko dhokā do
chāhiye ham ko ġhusl-o-kafan
kapḌe badleñ nahlā do
gul khā khā kar dī hai jaan
qabr meñ merī chhallā do
turbat-e-vā.iz tak chalo 'shād'
jhūTe ko had tak pahuñchā do
bosa zulf-e-dota ka do
ruhon balaen sadqa do
radd-o-badal kya bosa do
leta ek na deta do
zulf-e-siyah ke mujrim hain
kale pani bhijwa do
ye jaenge misl-e-habab
chhuTne dil ka chhaala do
mushrik kya ho wahdat mein
ek ko dekhe jhaTka do
ghar mein bula ke qatl karo
darwaze mein tegha do
hum pe khula hai raaz-e-kamar
aur kisi ko dhoka do
chahiye hum ko ghusl-o-kafan
kapDe badlen nahla do
gul kha kha kar di hai jaan
qabr mein meri chhalla do
turbat-e-waiz tak chalo 'shad'
jhuTe ko had tak pahuncha do
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
