bujha bujha sa charagh-e-sar-e-mazar hun mein

bujhā bujhā sā charāġh-e-sar-e-mazār huuñ meñ

ḳhizāñ ne jis ko sañvārā hai vo bahār huuñ maiñ

vo jis pe ġhair bhī rote haiñ aaTh aaTh aañsū

vo ek mahfil-e-māzī kī yādgār huuñ maiñ

jo tere dāman-e-rahmat kī aabrū rakh le

mire karīm vahī ik gunāhgār huuñ maiñ

nigāh ho to zarā dekh ālam-e-taḳhrīb

ajal kī god meñ qudrat kā shāhkār huuñ maiñ

hañsā hañsā ke rulāyā gayā huuñ saarī umr

sitam-zarīfī-e-fitrat kā shāhkār huuñ maiñ

na pūchh āh-e-mohabbat kī zindagī 'raushan'

ḳhizāñ kī shakl meñ parvarda-e-bahār huuñ maiñ

bujha bujha sa charagh-e-sar-e-mazar hun mein

KHizan ne jis ko sanwara hai wo bahaar hun main

wo jis pe ghair bhi rote hain aaTh aaTh aansu

wo ek mahfil-e-mazi ki yaadgar hun main

jo tere daman-e-rahmat ki aabru rakh le

mere karim wahi ek gunahgar hun main

nigah ho to zara dekh aalam-e-taKHrib

ajal ki god mein qudrat ka shahkar hun main

hansa hansa ke rulaya gaya hun sari umr

sitam-zarifi-e-fitrat ka shahkar hun main

na puchh aah-e-mohabbat ki zindagi 'raushan'

KHizan ki shakl mein parwarda-e-bahaar hun main