bujha charagh hawaon ka samna kar ke
bujhā charāġh havāoñ kā sāmnā kar ke
bahut udaas huā huuñ darīcha vā kar ke
sukūt TuuT gayā aur raushnī sī huī
sharār sañg se niklā ḳhudā ḳhudā kar ke
khulā na din ko kisī ism se vo āhanī dar
ab aao dekhte haiñ raat ko sadā kar ke
uḌūñgā ḳhaak sā pahle-pahal aur āḳhir-e-kār
havā-e-tund ko rakh dūñgā maiñ sabā kar ke
vo jis ke bojh se ḳham bhī na thī hamārī kamar
ham aaj aa.e haiñ vo qarz bhī adā kar ke
bujha charagh hawaon ka samna kar ke
bahut udas hua hun daricha wa kar ke
sukut TuT gaya aur raushni si hui
sharar sang se nikla KHuda KHuda kar ke
khula na din ko kisi ism se wo aahani dar
ab aao dekhte hain raat ko sada kar ke
uDunga KHak sa pahle-pahal aur aaKHir-e-kar
hawa-e-tund ko rakh dunga main saba kar ke
wo jis ke bojh se KHam bhi na thi hamari kamar
hum aaj aae hain wo qarz bhi ada kar ke
- Book : Nakhl-e-Aab (Pg. 41)
- Author : Rafeeq Raaz
- Publication : Takbeer Publications, Srinagar (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
