bujha Dale hawa ne shahr ke sare diye par

bujhā Daale havā ne shahr ke saare diye par

use afsos rattī-bhar nahīñ apne kiye par

ye mat pūchho ki kitnī martaba ham ne nikālā

tumhāre ḳhat nahīñ aane kā ġhussa Dākiye par

vo jab tak uḌ rahī thī ho nahīñ paayā ye mumkin

hai chiḌiyā ab qafas meñ chain se gin lījiye par

sunī hai jab se ham ne bheḌiyā aayā kahānī

yaqīñ insān par kam hai ziyāda bheḌiye par

nikālī jā.egī ab khaal is kī dekhnā tum

milā hai jo tumhārā baal mere tauliye par

bujha Dale hawa ne shahr ke sare diye par

use afsos ratti-bhar nahin apne kiye par

ye mat puchho ki kitni martaba hum ne nikala

tumhaare KHat nahin aane ka ghussa Dakiye par

wo jab tak uD rahi thi ho nahin paya ye mumkin

hai chiDiya ab qafas mein chain se gin lijiye par

suni hai jab se hum ne bheDiya aaya kahani

yaqin insan par kam hai ziyaada bheDiye par

nikali jaegi ab khaal is ki dekhna tum

mila hai jo tumhaara baal mere tauliye par